ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និង ជាប្រមុខរដ្ឋស្តីទី កាលពីថ្ងៃទី៤ ខែវិច្ឆិកា ឆ្នាំ២០២០ បានចេញព្រះរាជក្រឹត្យមួយ ដាក់អោយចូលនិវត្តន៍នាយនគរបាលថ្នាក់ឧត្តមសេនីយ៍ ក្របខ័ណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃចំនួន២៨រូប។ក្នុងនោះក៏មានលោកឧត្តមសេនីយ៍ទោ អ៊ាវ ចំរើន អតីតស្នងការនគរបាលខេត្តកណ្តាលផងដែរ។
លោកឧត្តមសេនីយ៍ទោ អ៊ាវ ចំរើន ត្រូវបានផ្លាស់ចេញពីស្នងការនគរបាលខេត្តកណ្តាល និងឡើងតំណែងជានាយករងមន្ទីរប្រឆាំងគ្រឿងញៀន។
ចំណែកលោកឧត្តមសេនីយ៍ត្រី ឈឿន សុចិត្ត ស្នងការរងនគរបាលខេត្តកណ្តាល ត្រូវឡើងតំណែងជាស្នងការនគរបាលខេត្តកណ្តាល ជំនួសលោក អ៊ាវ ចំរើន ។
នេះបើយោងតាមប្រកាសរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី២៣ ខែមករា ឆ្នាំ២០២០ កន្លងទៅ ៕