ខេត្តកំពង់ស្ពឺ ៖ ហេតុការណ៍នេះបង្កឱ្យមានការភ្ញាក់ផ្អើល ដល់ប្រជាពលរដ្ឋ និងសមត្ថកិច្ចនោះគឺ នៅវេលាម៉ោង១ និង៣០នាទីរសៀលថ្ងៃទី០៥ ខែកក្កដា ឆ្នាំ២០២៤ ស្ថិតក្នុងភូមិចំការដូង សង្កាត់ច្បារមន ក្រុងច្បារមន ខេត្តកំពង់ស្ពឺ ។ បណ្តាលមកពីឆ្លងចរន្តអគ្គិសនី ដែលប៉ះជញ្ជាំងស័ង្កសីបន្ទប់ទឹក ធ្វើឲ្យបុរសចំណាស់ជាជីតា និងជីដូន ព្រមទាំងចៅតូច សរុប០៣នាក់ បានស្លាប់ភ្លាមៗនៅក្នុងបន្ទប់ទឹក ។
ប្រភពពីមន្ត្រីនគរបាលបានឲ្យដឹងថា ៖ ជនរងគ្រោះស្លា.ប់ ដោយសារឆក់ចរន្តអគ្គិសនី មានចំនួន៣នាក់ រួមមាន ៖ ០១. ឈ្មោះ ឡា ណែន ភេទប្រុស អាយុ៥១ឆ្នាំ ត្រូវជាជីតា,
០២. ឈ្មោះ និន សុន ភេទស្រី អាយុ៤៧ឆ្នាំ ត្រូវជាជីដូន, និងទី០៣. ឈ្មោះ ណែន ខេមម៉ា ភេទស្រី អាយុ៦ខែ ត្រូវជាចៅ
អ្នកទាំង៣នាក់ រស់នៅក្នុងភូមិចំការដូង សង្កាត់ច្បារមន ក្រុងច្បារមន ខេត្តកំពង់ស្ពឺ ។
មន្ត្រីនគនគរបាលបន្តទៀតថា ៖ មូលហេតុដំបូង យាយយកចៅស្រី ទៅងូតទឹកឲ្យ នៅក្នុងបន្ទប់ ស្រាប់ឆ្លងចរន្តអគ្គិសនីឆក់ជីដូន និងចៅ ខណៈពេលនោះ ជនរងគ្រោះជាត្រូវជាជីតា បានឃើញ ក៏រត់ចូលទៅជួយ ប៉ុន្តែជាអកុសល ត្រូវឆក់ស្លា.ប់ទាំង០៣នាក់ តែម្តងដោយសារ ខ្សែភ្លើងដាច់ជាប់ជាមួយស័ង្កសីជញ្ជាំងបន្ទប់ទឹក ។
ក្រោយពីពិនិត្យកុសលវិច្ច័យ ពីមន្ត្រីនគរបាលជំនាញបច្ចេកទេស ដោយមានការចូលរួមពីអាជ្ញាធរភូមិសង្កាត់ និងទទួលស្គាល់ថា ៖ ជនរងគ្រោះ ពិតជាស្លាប់ ដោយសារឆក់ចរន្តអគ្គិសនី ពិតប្រាកដមែននិងបានប្រគល់សព ឲ្យក្រុមគ្រួសារ ធ្វើបុណ្យតាមប្រពៃណី ៕