ខេត្តព្រះវិហារ ÷ ប្រភពព័ត៌មានច្បាស់ការណ៍ពីប្រជាពលរដ្ឋរស់នៅភូមិបង្កន ឃុំរៀបរយ បានឲ្យដឹងថា: មេឈ្មួញធំៗកំពុងកាប់បំផ្លិចបំផ្លាញព្រៃឈើនៅព្រៃអភិរក្សតំបន់ព្រៃឡង់ សារជាថ្មីទៀតហេីយ កន្លងទៅក្រុមហ៊ុន PNT ត្រូវបានអ្នកសារព័ត៌មាន ក្នុងស្រុកចុះផ្សាយជាបន្តបន្ទាប់ សា្រប់តែផ្អាកមួយរយៈ តែបច្ចុប្បន្ននេះ កំពុងសម្រុកកាប់និងដឹកជញ្ជូនយកទៅលក់ តាមបណ្តាលខេត្តនានា ទាំងយប់ទាំងថ្ងៃ
សូម្បីតែលោក គីម រិទ្ធី អភិបាលខេត្តព្រះវិហារនិងលោក កង សៅគុណ មេបញ្ជាការកងរាជអាវុធហត្ថខេត្តព្រះហារ ព្រមទាំងលោក សួស ដារា៉ ស្នងការដ្ឋាននគរបាលខេត្តព្រះវិហារ មិនហ៊ានប៉ះពាល់ក្រុមឈ្មួញទាំងនោះ! បច្ចុប្បន្នពួកឈ្មួញកាប់បំផ្លាញព្រៃសហគមន៏ព្រៃឡង់ ជិតរលាយសាបសូន្យអស់ហេីយ!
មជ្ឈដ្ឋានខាងក្រៅ! មានរិះគន់ចំៗថា: បើក្រុមហ៊ុន PNTហៅ៩៧ ប្រហែលមានខ្នងបង្អែកយ៉ាងរឹងមាំនៅក្នុងខេត្តព្រះវិហារ ផងក៏មិនដឹង! បានត្រូវរ៉ូវគ្នា ជាមួយស្ថាប័នមន្ត្រីជំនាញពាក់ព័ន្ធ ជាអ្នកបេីកភ្លេីងខៀវ ទេីបមេការហ៊ានគ្រៀងគរពលរដ្ឋខ្មែរ ឲ្យចូលកាប់ព្រៃឈើយ៉ាងរង្គាល គ្មានការទប់ស្កាត់ពីសំណាក់ លោក នួន សុខុម មេព្រៃខេត្តព្រះហារ ទល់តែសោះ
លើសពីនេះទៅទៀតសកម្មភាព ក្រុមឈ្មួញដែលមកសុីស្នួលឲ្យក្រុមហ៊ុន PNT ចូលកាប់ឈើ នាពេលថ្មីៗនេះ បន្ទាប់មកប្រមូលឈើដឹកជញ្ជានតាមគោយន្តកន្ត្រៃយ៍ ជាច្រើនគ្រឿងរួចហើយ បន្តលើកដាក់ក្នុងរថយន្តវ៉េអង ចេញតាមក្រុមហ៊ុនចំការកៅស៊ូ ជាប់ខេត្តព្រះវិហារ ឆ្លងកាត់ទៅខេត្តកំពង់ធំ យ៉ាងសុខស្រួលបំផុត គ្មានមន្ត្រីជំនាញហ៊ានប៉ះពាល់នោះឡើយ!
ផ្ទៃដីវិនិយោគប៉ុណ្ណាទៅ! របស់ក្រុមហ៊ុន PNT នេះនៅមានឈើ កាប់បន្តទៀតយ៉ាងពេញបន្ទុកជារៀងរាល់ថ្ងៃ បើយោងទៅតាមការចោទសួរនិងចម្ងល់ ពីមហាជនពិសេសប្រជាពលរដ្ឋ នៅក្នុងភូមិសាស្ត្រនោះ បានសួរទៅមន្ត្រីជំនាញសមត្ថកិច្ចពាក់ពន្ធ័ក្នុងមូលដ្ឋាន យ៉ាងចាស់ដៃចុះត្រួតពិនិត្យជាបន្ទាន់ កុំឲ្យរាលដាលដល់ដែនដីការពារ ព្រៃឈើរបស់រដ្ឋ
ប្រជាពលរដ្ឋរស់នៅភូមិបង្កន ឃុំរៀបរយ បានអំពាវអំពាវយ៉ាងទទូចដល់ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ជាពិសេស នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាគណះកម្មាធិការថ្ថ្នាក់ជាតិ សូមចាត់មន្ត្រីក្រោមឱវាទ ក្នុងខេត្តព្រះវិហារ ឲ្យចុះពិនិត្យ ទីតាំងក្រុមហ៊ុន PNT បើមិនដដូច្នេះព្រៃឈើនៅសេសសល់បន្តិចបន្តួចត្រូវរងការវិនាសហិនហោចអស់ ក្រោមស្នាដៃពួកឈ្មួញមិនខាន់ឡើយយ!៕
អង្គភាពយើងខ្ញុំការផ្សព្វផ្សាយនេះទៅតាមវិជ្ជាជីវៈ រិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ!។