ចូលមន្ទីពេទ្យ បន្ទាប់ពីចូលទៅកាច់អំពៅគេមួយដើម ចំអែតក្រពះ ករណីនេះ កើតឡើងនៅថ្ងៃទី 15 ខែ សីហា ឆ្នាំ 2023 ស្ថិតនៅក្នុង ភូមិ ដូង ឃុំ បាបោង ស្រុក ពាមរក៏ ខេត្ត ព្រៃវែង ។
ក្មេងប្រុសជនរងគ្រោះឈ្មោះ ជឿន ជន អាយុ13 ឆ្នាំ ជាសិស្ស ។ ចំណែកឯ ម្ចាស់ចំការដែលវ៉ៃធ្វើបាបក្មេងនោះ ឈ្មោះ វាសនា រស់នៅភូមិឃុំ ជាមួយក្មេងរងគ្រោះ ។
បើតាមសំដីក្មេងរងគ្រោះបានអោយដឹងថា ដំបូងឡើយ គេនិងក្មេងប្រុសម្នាក់ទៀត បានទៅដើរលេង នៅក្បែរចំការអំពៅនោះ ហើយក៏ស្រេកទឹក ក៏ឃើញអំពៅក៏ចូលទៅកាច់មួយដើមដើម្បីហូបបំបាត់ស្រេកទឹក ស្រាប់តែពេលនោះម្ចាស់ចំការមកទាន់ក៏ចាប់វ៉ៃ ក្មេងរងគ្រោះនោះនឹងអំពៅ វ៉ៃអស់អំពៅមួយដើមក៏កាច់អំពៅមួយដើមទៀតវ៉ៃរហូតឡើងទ្រោមខ្លួន សន្លប់បាត់ស្មារតី ចំណែកក្មេងម្នាក់ទៀតក៏រត់ទៅប្រាប់ឪពុកក្មេងរងគ្រោះ ក៏បញ្ចូន ជនរងគ្រោះទោកាន់មន្ទីពេទ្យភ្លាម ។
គ្រួសារក្មេងរងគ្រោះ ក៏ដូចជា ប្រជាពលរដ្ឋទាំងអស់នៅក្នុងមូលដ្ឋាន សូមអំពាវនាវដល់សមត្ថកិច្ច ជាពិសេស លោកអភិបាលខេត្ត នឹង លោកស្នងការខេត្ត មេត្តាជួយរកយុត្តិធម៏ ដល់ជនរងគ្រោះផង ។
