ខេត្តស្វាយរៀង ÷ បើយោងតាមសេចក្តីរាយការណ៍ ពីប្រជាពលរដ្ឋរស់នៅតំបន់នោះ បានឲ្យដឹងថា! បុគ្គលដែលហ៊ានបើកល្បែងសុីសង(ជល់មាន់)និងល្បែងខុសច្បាប់ ជាច្រើនប្រភេទ ផ្សេងៗទៀត នៅក្នុង(កាស៊ីណូ)ច្រកធ្លក សង្កាត់ច្រកម្ទេស ក្រុងបាវិត ខេត្តស្វាយរៀង ប្រហែល មានខ្នងបង្អែក រឹងមាំ ហើយមានឥទ្ធិពលទៀតផង ទើបហ៊ានធ្វើអ្វីៗតាមទំនើងចិត្ត។
ជាងនេះទៅទៀត ប្រជាពលរដ្ឋនៅ សង្កាត់ច្រកម្ទេស ក្រុងបាវិត នាំគ្នាដាក់សង្ស័យ មន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋាន សម្ងំទទួល លាភសក្ការៈ និងផលប្រយោជន៍ខ្លះៗ ពីម្ចាស់(កាស៊ីណូ)ច្រកធ្លក ១.កន្លែងនេះ រួចអស់ហើយ ផងក៏មិនដឹង ទើបហ៊ានបើកល្បែងស៊ីសងដូចជា(ជល់មាន់)និងល្បែងខុសច្បាប់ ជាច្រើនប្រភេទ ផ្សេងៗទៀត ទុកឲ្យក្រុមញៀនល្បែងមានខ្មែរ និងជនជាតិវៀតណាម ចូលលេងភ្លូកទឹក ភ្លូកដី គ្មានការទប់ស្កាត់ និងបង្ក្រាប! ទាល់តែសោះ ។
មជ្ឈដ្ឋានខាងក្រៅ.! និងប្រជាពលរដ្ឋរស់នៅក្បែរទីតាំងនោះ រងការរិះគន់ចំៗថា! បើគ្មានការឃុបឃិតគ្នាជា ប្រព័ន្ធ ហើយមានខ្នងបង្អែក រឹងមាំ ទេនោះ ម្ចាស់ទីតាំងនិង បក្សពួករបស់ខ្លួន មិន អាចសាងភាពល្បីល្បាញខាង បើក ល្បែងស៊ីសង(ជល់មាន់)និងល្បែងខុសច្បាប់ ជាច្រើនប្រភេទ ផ្សេងៗទៀត នៅក្នុង(កាស៊ីណូ)ច្រកធ្លក នៅលើទឹកដី ក្រុងបាវិត ខេត្តស្វាយរៀង បានឡើយ ។
ប្រភពដដែលពីប្រជាពលរដ្ឋបានបន្ថែមថា! ក្តីកង្វល់ របស់ពួកគាត់ រស់នៅសព្វថ្ងៃនេះ កំពុងមានការព្រួយបារម្ភ យ៉ាងខ្លាំង ចំពោះសុខទុក្ខ និងសុវត្ថិភាពគ្រួសារ ព្រោះថាទីណាមានល្បែងស៊ីសង ទីនោះមិនយូរមិនឆាប់នោះទេ និងកើតមាននូវ អំពើចោរកម្ម និងបទល្មើស ផ្សេងៗដូចជា លួច ឆក់ ប្លន់ ជាពិសេស អំពើហិង្សា ក្នុងគ្រួសារ ជាក់ជាមិនខាន។
ហេតុដូច្នេះ ប្រជាពលរដ្ឋ ក៏ដូចមហាជន ទូទៅ សំណូមពរទៅដល់ ឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង ជាពិសេស ឯកឧត្តម ប៉េង ពោធិ៍សា អភិបាលនៃគណៈអភិបាល ខេត្តស្វាយរៀង សូមជួយចាត់មន្ត្រី ក្រោមឱវាទ ចុះទប់ស្កាត់ទង្វើរ មិនប្រក្រតី របស់ បុគ្គលដែល ហ៊ានបើកល្បែងសុីសង(ជល់មាន់)និងល្បែងខុសច្បាប់ ជាច្រើនប្រភេទ ផ្សេងៗទៀត នៅក្នុង(កាស៊ីណូ)ច្រកធ្លក ស្ថិតក្នុងភូមិសាស្ត្រខាងលើនេះ ជាបន្ទាន់ ដើម្បីបង្រឹងសន្តិសុខសង្គម៕
